Haqqımızda

Bizim məqsədimiz yardımları vasitəçi xarici şirkətlər və qurumlar olmadan, birbaşa yerli təşkilat və insanlarla həyata keçirməkdir:

• Afrikada - afrikalılarla,
• Asiyada - asiyalılarla,
• Qəzzada və Yəməndə - yerli ərəblərlə birbaşa işləyirik.

Al Baraka Azərbaycan könüllülərinin müxtəlif ölkələrdən dostları və üzvləri var ki, yardımlarımızın doğru ünvana çatmasına kömək edirlər. Təşkilatımızın adı buna görə «Al Baraka Azərbaycan Könüllüləri»dir - çünki biz könüllü ürəklərlə, sevgi və etibar əsasında çalışırıq.

Al Baraka Azərbaycan könüllüləri dünyanın bir çox ölkəsində müxtəlif istiqamətlərdə yardım layihələri həyata keçirir:

• 💧 Su quyuları və su tankerləri ilə təmiz suya çıxış
• 🍲 Ərzaq səbətləri və isti yemək paylanması
• 🐑 Qurban və əqiqə layihələri
• 🌙 Ramazan və iftar süfrələri
• 📖 Quran və hədiyyə paylanması
• 🕌 Məscid inşası
• 👕 Paltar və məişət əşyaları yardımı

«Al Baraka»-nın hər bir layihəsi mərhələli şəkildə, tam şəffaflıq və etibar üzərində qurulur:

1. Əvvəlcə ehtiyaclı ölkə və insanlar müəyyən olunur.
2. Layihənin dəyəri və faydalanacaq insanların sayı dəqiqləşdirilir.
3. Xeyriyyəçilərə layihə barədə bütün məlumat verilir.
4. Lazımi vəsaitin toplanması başlayır.
5. Bəzən bir xeyriyyəçi bütün layihəni öz üzərinə götürür, bəzən isə bir neçə xeyriyyəçi birlikdə iştirak edir.
6. Layihə üçün vəsait tamamlandıqda elan verilir.
7. Əgər məbləğ hələ tam yığılmayıbsa, həftəlik elanlarla xeyriyyəçilər məlumatlandırılır.
8. Layihə həyata keçirildikdən sonra foto-video materiallar montaj olunur və «Al Baraka» sosial media hesablarında paylaşılır.