Qədr gecəsi nədir?
Qədr gecəsi — Ramazan ayının son on günündə təcəlli edən, min aydan daha xeyirli olan müqəddəs gecədir. Bu gecənin fəziləti Quranda xüsusi bir surə ilə qeyd olunmuşdur.
Qədr surəsi ayələri
«Həqiqətən, Biz Quranı Qədr gecəsində nazil etdik! Sən haradan biləsən ki, Qədr gecəsi nədir? Qədr gecəsi min aydan xeyirlidir. O gecə Rəbbinin izni ilə mələklər və Ruh Cəbrail hər işə görə yerə enirlər. O gecə sübh açılanadək əmin-amanlıq olur.»
(Qur'ani-Kərim, Qədr surəsi, ayə 1-5)
Bu ayələrdən anlayırıq ki, Qədr gecəsində edilən ibadət, dua və sədəqə 1000 aydan (təxminən 83 il) daha xeyirlidir.
Qədr gecəsi nə vaxtdır?
Peyğəmbərimiz (s.ə.s.) buyurub:
"Qədr gecəsini Ramazanın son on gününün tək gecələrində axtarın."
(Səhihi-Buxari, hədis №2017)
Tək gecələr: 21, 23, 25, 27, 29. Əksər alimlər 27-ci gecə daha çox ehtimallı olduğunu deyirlər.
Qədr gecəsi əməlləri
- Quran oxumaq
- Gecə namazı (təhəccüd) qılmaq
- Zikir və təsbeh etmək
- İstighfar (Allahdan bağışlanma diləmək)
- Sədəqə vermək
- Çox dua etmək
Qədr gecəsi oxunan dua
Aişə (r.a.) Peyğəmbərimizdən (s.ə.s.) soruşdu: "Ya Rəsulullah, Qədr gecəsinə təsadüf etsəm nə deyim?" Peyğəmbərimiz buyurdu:
"Allahummə innəkə əfuvvun, tuhibbul-əfvə, fəfu anni — Ey Allahım, sən bağışlayansan və bağışlamağı sevirsən, məni də bağışla."
(Sünəni-Tirmizi, hədis №3513; Sünəni-İbn Macə, hədis №3850)
Qədr gecəsinin fəziləti
"Kim Qədr gecəsində iman və savab ümidi ilə qıyam edərsə, keçmiş günahları bağışlanar."
(Səhihi-Buxari, hədis №1901; Səhihi-Müslim, hədis №760)
Əlaqə
- +994 51 763 90 15 (kişilər üçün)
- +994 70 966 19 70 (qadınlar üçün)
Al Baraka Azərbaycan könüllüləri
