Qurban kəsmək nədir?
Qurban — Allah rizası üçün müəyyən vaxtda, müəyyən şərtlərə uyğun heyvan kəsib ətini paylamaqdır. Qurban kəsmək İslamın əhəmiyyətli ibadət növlərindəndir və Həzrəti İbrahim (ə.s.)-ın sünnəsindəndir.
Quranda qurban kəsmək haqqında ayə
«Onların nə əti, nə də qanı, Allaha çatmaz. Ona yalnız sizin təqvanız çatar. Sizi doğru yola yönəltdiyinə görə Onu uca tutasınız deyə, bu heyvanları sizə beləcə ram etdi. Sən yaxşılıq edənləri müjdələ!»
(Qur'ani-Kərim, Həcc surəsi, ayə 37)
Qurban kəsmək kimlərə vacibdir?
Hənəfi məzhəbinə görə qurban aşağıdakı şərtləri daşıyan müsəlmana vacibdir:
- Müsəlman olmaq
- Yetkin və ağıllı olmaq
- Müqim olmaq (səfərdə olmamaq)
- Zəkat nisabına çatmış mal sahibi olmaq
Şafii, Maliki və Hənbəli məzhəblərində isə qurban müəkkəd sünnə sayılır.
Qurbanın şərtləri
- Heyvan növü — qoyun, keçi, mal-qara, dəvə
- Yaş — qoyun ən az 1 yaş, mal ən az 2 yaş, dəvə ən az 5 yaş
- Sağlamlıq — kor, gözünün biri batmış, axsaq, çox arıq heyvan qurban olmaz
- Vaxt — bayram namazından sonra başlayır, bayramın 3-cü günü gün batanda bitir
Qurban necə kəsilir?
- Heyvan qibləyə yönəldilir
- Niyyət edilir: "Allah üçün qurban kəsirəm"
- "Bismillahi Allahu Əkbər" deyilərək kəsilir
- Ət üç hissəyə bölünür: ailə, qohum-əqraba, ehtiyac sahibləri
Qurban kəsmək vacibdir hədisi
"İmkanı olub da qurban kəsməyən bizim namazgahımıza yaxınlaşmasın."
(Sünəni-İbn Macə, hədis №3123)
Bu hədis qurbanın əhəmiyyətini vurğulayır.
Əlaqə
- +994 51 763 90 15 (kişilər üçün)
- +994 70 966 19 70 (qadınlar üçün)
Al Baraka Azərbaycan könüllüləri
